काठमाडौं, २२ फागुन– राष्ट्रपतिको उम्मेदवार चयनका लागि नेकपा एमाले स्थायी समितिको बैठक मंगलबार बस्दै छ । प्रधानमन्त्री निवास बालुवाटारमा अपराह्न ४ बजे बैठक बस्न लागेको हो । 

बैठकमा सरकार विस्तार, माओवादीसँगको पार्टी एकतालगायतका विषयमा छलफल हुने एमाले कार्यालय सचिव कृष्णगोपाल श्रेष्ठले जानकारी दिए । एमालेमा कसलाई राष्ट्रपति बनाउने भन्ने एकमत छैन । 

प्रधानमन्त्री एवम् पार्टी अध्यक्ष केपी शर्मा ओली वर्तमान राष्ट्रपति विद्यादेवी भण्डारीलाई नै दोहोर्याउने पक्षमा रहेको बताइए पनि पार्टीकै केही नेता भने पूर्वप्रधानमन्त्री झलनाथ खनाललाई राष्ट्रपति बनाउनुपर्ने पक्षमा छन् ।