१६ असार २०८३, मंगलबार
बुटवल, ८ चैत– प्रदेश नम्बर पाँचले आर्थिक कार्यविधि ऐन पारित गरेको छ । बिहीबार बसेको प्रदेशसभाको आठौं बैठकले प्रदेश नम्बर ५, प्रदेश सरकारको आर्थिक कार्यविधि नियमित तथा व्यवस्थित गर्न बनेको आर्थिक कार्यविधि विधयेक पारित गरेको हो । विधयेक उपर कुनै संशोधन दर्ता भएको थिएन ।
यस अगाडि (चैत ४ गते) सरकारले आर्थिक कार्यविधि ऐन संसदमा ‘टेबल’ गरेको थियो । मुख्यमन्त्री पोखरेलले उक्त विधयेक संसदमा प्रस्तुत गरेका थिए ।
संविधानको धारा ५९ र २१३ बमोजिम उक्त विधयेक पारित गरिएको हो । आर्थिक विधेयक पारित भएसँगै प्रदेशमा आर्थिक गतिविधिका लागि बाटो खुलेको छ । विधयेक सभामुख पूर्णबहादुर घर्तीले निणयार्थ प्रस्तुत गर्दा गरेको थिए । विधयेकको विपक्षमा कुनै आवाज नउठेपछि स्वत पारित भएको हो ।
विधेयक पारित भएपछि प्रदेशको सञ्चित कोष, सरकारी कोषको सञ्चालन, बजेट तर्जुमा, निकासा तथा खर्च गर्ने कानुन निर्माण, राजस्व संकलन लगायत कानुन निर्माणका लागि बाटो खुलेको छ ।
विधयेकको महत्वबारे संसदमा बोल्दै सरकारका प्रवक्त बैजनाथ चौधरीले अब सरकारले खर्च गर्न बाटो खुलेको बताए । अब पूर्व बजेटको छलफल, सञ्चित कोषको सञ्चालन गर्नेछ ।’
