काठमाडौं, १९ चैत– कानून, न्याय तथा संसदीय मामिला मन्त्री शेरबहादुर तामाङले मुलुकमा बाँझो बारी राख्न नहुने सन्देश दिनका लागि बाँझो बारी जोतेका छन् । पुलचोक स्थित मन्त्री क्वाटर प्रवेश गर्ने क्रममा उनले आज बाँझो बारी जोतेका हुन् । 

उनले ट्याक्टरले बाँझो बारी जोतेका हुन् । कुनै पनि बारी बाँझो राख्न नहुने सन्देश दिनकै लागि आफूले बारी जोतेको उनले बताए । खेतीयोग्य जमिन बाँझो राख्न नदिने गरी सरकारले कानून निर्माण गर्ने उनको भनाइ छ ।  

उनले भने, ‘यसका लागि कृषि मन्त्रालयसँग परार्मश गरेर अगाडि बढिने छ ।’ मन्त्री तामाङले अब कसले राम्रो तरकारी फलाउने भन्नेमा मन्त्रीहरु बीच नै प्रतिस्पर्धा हुने बताएका छन् ।