मुम्बई– बलिउड अभिनेता शाहरुख खान केहि पहिले आफ्नो फिल्म रइसको प्रमोशनका लागि पुणेस्थित सिम्बिओसिस कलेजमा पुगे । सो क्रममा उनले आफ्ना फ्यानसँग एक सेल्फी लिएर सामाजिक सञ्जालमा पोस्ट गरिदिए ।
यही सेल्फीमा समेटिएकी एक युवती इन्टरनेटमा सनसनी बन्न पुगेकी छिन् । ति युवती थिइन् २१ बर्षीया साइना हुसेन । उनी सोहि कलेजकी विद्यार्थी भएको समाचारमा जनाइएको छ । उनी कश्मिरको राजधानी श्रीनगरकी हुन् ।
शाहरुखले पोस्ट गरेको फोटोमा धेरै समर्थकले साइनाको बारेमा चासो राखेका छन् भने कतिले त उनीसँग बिहे गर्नेसम्मको प्रस्ताव समेत राखेका छन् ।
साइनाले आफ्नो फोटो इन्टरनेटमा चासोको विषय बनेकाले आफू खुसी भएको तर यस्तो आफ्नो जीवनमा पहिलो पटक भएको बताएकी छिन् ।