०९ असार २०८३, मंगलबार
नयाँ दिल्ली, २४ चैत-भारतीय प्रधानमन्त्री नरेन्द्र मोदीले नेपाल तीनै तहको निर्वाचन सम्पन्न गरेर नयाँ अध्यायमा अघि बढेकोमा बधाई दिएका छन् । भारतको तीन दिने भ्रमणका क्रममा रहेका प्रधानमन्त्री केपी शर्मा ओलीसँगको भेटपछि आयोजित संयुक्त पत्रकार सम्मेलनमा मोदीले नेपाली जनता र सरकार दुवैलाई बधाई दिएका हुन् ।
‘नेपाल नयाँ युगमा प्रवेश गरेको छ, छिमेकी मित्रराष्ट्रको नाताले नेपालको नयाँ इतिहासको शुभारम्भ भारतका लागि हर्षको विषय हो, नेपाली जनता र सरकारलाई अभिनन्दन गर्न चाहन्छु, बधाई दिन चाहन्छु,’ मोदीले भने ।
