२९ जेठ २०८३, शुक्रबार
काठमाडौं, २६ चैत– गुण्डा नाइके तथा नेपाली कांग्रेसका ‘नेता’ गणेश लामा पुर्पक्षका लागि जेल चलान भएका छन् ।
काठमाडौं जिल्ला प्रशासन कार्यालयले लामालाई सोमवार पुर्पक्षका लागि जेल पठाएको हो ।
हातहतियार तथा खरखजना मुद्दाअन्तर्गत लामालाई पुर्पक्षका लागि जेल चलान गरिएको महानगरीय प्रहरी परिसर काठमाडौंका प्रमुख एसएसपी विश्वराज पोखरेलले बताए ।
लामा गत फागुन ३० गते काठमाडौंको गौशालाबाट चाइनिज पेस्तोल र त्यसमा लाग्ने ६ राउण्ड गोलीसहित पक्राउ परेका थिए ।
प्रहरीले उनीमाथि हातहातियार तथा खरखजना ऐनअन्तर्गत मुद्दा दर्ता गरी अनुसन्धान अगाडि बढाएको थियो ।
