विराटनगर, १३ वैशाख– पछिला दिनमा भारतबाट नेपालतर्फ लागू औषधको अवैधत् कारोवारमा भारतीय नागरिक संलग्न हुने गरेको पाईएको छ । गएराति बिराटनगरको नोवेल अस्पताल अगाडीबाट ७ जना भारतीय ठूलाे परिमाणको लागू औषध सहित पक्राउ परेपछि यो बिषय सार्बजनिक भएको हो । राति करिब ९ बजेको समयमा भारतबाट नेपाल भित्र्याएको अबस्थामा ठूलाे परिमाणको लागू औषध सहित ७ जनालाई प्रहरीले पक्राउ गरेको हो ।

यसरी पक्राउ पर्नेमा भारतको वथनाहाका रोहित कुमार शर्मा, फारबिसगंजका प्रमोद भन्ने बिनोद यादव, मिल्की डुमरीयाका राजकुमार यादव, मिल्की डुमरीयाकै निलमदेबी यादव, सिमराहाका प्रकाश कुमार दास, रानीगंजका रन्जीत कुमार शर्मा र  बरारभत नाजाका सुरजनारायण यादव रहेका छन् । 

पक्राउ परेका उनीहरु  बिराटनगर महानगरपालिका ४मा रहेको नोवेल मेडिकल कलेज अगाडी नहरको डिलमा भारतीय तीनवटा मोटरसाईकल सहित पक्राउ परेका हुन् । प्रहरीले प्रमोद भन्ने विनोदको साथबाट  अमेरिकन पेस्तोल एक थान सहित त्यसमा लाग्ने ६ थान गोली बरामद गरेको छ । हतियार सहित आएका उनीहरुको साथबाट ठूलाे परिमाणको लागू औषध बरामद गरेको हो ।

यसरी बरामद भएको लागू औषधमा एभिल एक हजार ७ सय १७ एम्पुल,  डाईजेलाभ पाँच सय , स्प्रास्मो प्रोक्सिभन एक हजर ७ सय ७६ चक्की, नाईट्रोशन ट्याब्लेट ७ सय २५ , फेनारगर १ सय २५, डाईलेक्स डिसी १३ बोतल बरामद गरेको हो । 

प्रहरीले उनीहरुको साथबाट ३ वटा भारतीय मोटरसाईकल, ६ सेट मोवाईल, एक सेट स्वचालित हतियार र त्यसमा लाग्ने म्यागेजिन सहित ६ राउण्ड गोली बरामद भएको प्रहरीले जनाएकाे छ । यसरी हतियारसहित लागू औषध फेला परेको मोरङमा पहिलो घटना भएको हुन्सक्ने प्रहरीकाे भनाइ छ । यसमा महिलाको समेत संलग्नता रहेको मोरङका प्रहरी उपरिक्षक अरुणकुमार बिसीले जानकारी दिए ।

यस घटनामा एकजना भारतीय महिला पनि पक्राउ परेकी छन्  । उनका अनुसार ठूलाे मात्रामा लागू औषध फेला परेकोले यो मोरङ या बिराटनगरको लागि मात्र नभई बाहिरी जिल्लाको लागि लग्दै गरेको हुन्सक्ने आशंका गरिएको छ ।