३१ जेठ २०८३, आइतबार
काठमाडौं, २६ वैशाख – रुसको विजय दिवस परेड बुधवार हुँदैछ । त्यहाँ तमाम हतियार र सैनिकका साथसाथै विशेष नजर रिमोट कन्ट्रोलबाट चल्ने ट्यांकमाथि हुनेछ ।
यसबाहेक रुसको यो परेडमा नयाँ हतियार प्रणालीले पनि ध्यान खिँच्नेछ जसको परीक्षण सिरियामा गरिएको छ ।
ट्यांक वास्तवमै विशेष छ । उरन–९ ट्यांकमा एन्टीट्यांक रकेट, एक तोप र मशिनगन फिट छ ।
राष्ट्रपति भ्लादिमिर पुटिनको आदेशमा यो परेडमा वर्तमान हतियार र क्षेप्यास्त्र समावेश भएको छ ।
सोभियत युगमा यस्ता परेड हुने गर्थे । परेड ९ मेमा भइरहेको छ र यो नाजीहरूसँगको युद्धमा मारिएका रुसीहरूको सम्मानमा निकालिन्छ ।
रुसको गजेटाका अनुसार, उरन–९ र बारुदी सुरुङ सफा गर्ने गर्ने रोबोट स्यापर उरन–६ ले सिरियामा रुसी सुरक्षाबललाई सहायता गरेको छ ।
रुसले सिरियाली राष्ट्रपति बशर अल असदको सहायताका लागि सिरियामा अनेकौं सैनिक र युद्धविमान तैनाथ गरेको छ । त्यसले विद्रोही समूहको विरोधको सामना गरिरहेको छ ।
गजेटाले उरन–९ ले आफैं लक्ष्य खोज्छ तर फायर गर्ने फैसला तीन किलोमिटर पर गाडीमा बसेको कमान्डरले लिनेछ ।
बुधवार मस्कोको आकाश सफा भएमा फ्लाई पास्ट पनि गरिनेछ जसमा लडाकू विमान, बम्बर र हेलिकप्टर पनि हुनेछन् ।
पहिलोचोटि यस्ता मिग–३१ पनि देखिनेछन् जसमा रुसको नयाँ किन्झल हाइपरसोनिक एन्टी–शिप मिसाइल हुनेछन् । यिनीहरूबाट विमानमा आक्रमण गर्न सकिन्छ ।
रुस आफ्नो नयाँ सु–५४ स्टील्थ फाइटर देखाउने तयारी गर्दैछ जसलाई टी–५० पनि भनिन्छ ।
बीबीसी हिन्दीबाट
