०९ असार २०८३, मंगलबार
काठमाडौं, ९ जेठ – अघिल्लो वर्ष म्यान्मारको रखाइन प्रान्तमा भएको हिंसामा रोहिंग्या आतंकवादीहरूले गाउँमा बस्ने हिन्दूहरूको सामूहिक हत्या गरेको एम्नेस्टी इन्टरनेसनलको एक प्रतिवेदनले खुलासा गरेको छ ।
हिंसाका क्रममा भएका मृत्युका बारेमा नयाँ खुलासा भएको हो । सन् २०१७ को अगस्ट २५ मा यो नरसंहार भएको थियो । त्यतिखेर ९९ जना हिन्दूहरूलाई मारिएको थियो ।
त्यही दिन रोहिंग्या आतंकवादीहरूले प्रहरी चौकीमा आक्रमण गरेपछि राज्यमा संकट शुरु भएको थियो ।
आतंकवादीहरूको आक्रमणको जवाफमा म्यान्मारको सेनाले अपरेसन चलाएपछि लगभग ७ लाख रोहिंग्या मुसलमानहरू देश छोडेर भाग्न बाध्य भएका थिए । संयुक्त राष्ट्रसंघले म्यान्मार सेनाको अपरेसनका कारण रोहिंग्याहरूको
जातिसफाया भएको बतायो । सैनिकहरूमाथि रोहिंग्या नागरिकको हत्या र गाउँ जलाएको आरोप लाग्यो ।
तर रोहिंग्या आतंकवादीमाथि पनि दुर्व्यवहारको आरोप लाग्यो । अघिल्लो वर्षको सेप्टेम्बरमा सेनाले संवाददाताहरूलाई सामूहिक चिहान भएको ठाउँमा लगेको थियो ।
आतंकवादीहरूको संगठन अराकान रोहिंग्या स्याल्भेसन आर्मीले त्यतिखेर नरसंहारको जिम्मेवारी लिन अस्वीकार गरेको थियो । तर एम्नेस्टीको नयाँ अनुसन्धानले देखाएअनुसार, उक्त संगठनले ५३ हिन्दूहरूलाई फाँसी दिएर मारेका
थिए । मर्नेहरूमा अधिकांश मोङ सेक गाउँका बच्चाहरू थिए ।
एजेन्सी
