७०औँ कान्स फिल्म फेस्टिभलमा सहभागी भएर फर्किए पनि बलिउड अभिनेत्री दीपिका पादुकोणले अहिलेसम्म कुनै नयाँ फिल्म साइन गरेकी छैनन् । भारतीय सञ्चारमाध्यमहरुका अनुसार दीपिका बिहेको योजना बनाइरहेकी छिन् ।

यही कारण उनी नयाँ फिल्ममा साइन गर्न चाहँदिनन् र रणवीरसँग जिन्दगीको सुन्दर पल बिताउन चाहन्छिन् । यद्यपि, दीपिकाले यस खबरलाई अस्वीकार गरिदिएकी छन् ।

दीपिकाले नयाँ फिल्ममा साइन नगर्नुको कारण बिहे नभएर उनलाई अफर हुने भूमिका प्रमुख कारण भएको सञ्चारमाध्यमलाई बताएकी छिन् ।

उनी ‘पद्मावत्’जस्तो भूमिकामा रहेर खेल्न चाहन्छिन्, तर उनीसम्म आइपुग्ने फिल्ममा भूमिका कमजोर हुने उनले बताएकी छिन् ।

सञ्चारमाध्यमका अनुसार उनी यस्तो भूमिका चाहन्छिन्, जहाँ पुरुषको भन्दा उनको भूमिका कमजोर नहोस् ।