काठमाडौं, १३ जेठ– प्रधानमन्त्री केपी शर्मा ओलीले तीव्र गतिको विकासमा देश अघि बढ्ने दाबी गरेका छन् । 

नीति तथा कार्यक्रममा उठेका प्रश्नहरुको जवाफ दिँदै प्रधानमन्त्री केपी शर्मा ओलीले अब देशमा गाँस, बास र कपासको समस्या नहुने दाबी गरेका हुन् । उनले तेस्रो विश्वबाट देशलाई पहिलो विश्वमा लाने विषमा नीति तथा कार्यक्रममा समेटिएको दाबी गरे । उनले आकांक्षाहीन आश्वासन नदिएको दाबी गर्दै केही गरेर देखाउने दाबी गरे । 

उनले देश ‘ल्याण्ड लक’ भएपनि त्यसबाट फाइदा लिने बताए । ल्याण्ड लक भएपनि आफ्नै पानी जहाज चलाउने र अनावश्यक भएको बेलामा भाडा लगाउने बताए । तर पानी जहाज चलाउँछौं भन्दा उडाउने काम गरेको भन्दै उनले गरेर देखाउने दाबी गरे । 

उनले विपक्षीलाई सरकारले काम गर्न लाग्यो भनेर मन नदुखाउन कटाक्ष गरे । प्रविधि अनुकुल काम गर्दैै सरकार अगाडि बढ्ने भन्दै प्रधानमन्त्री ओलीले मन्त्रिपरिषद्को बैठक अब कागजको चाङ राखेर होइन ल्यापटप अगाडि राखेर हुने बताए । 

उनले देश भर लोडसेडिङ हटाउने र विद्युतको विस्तार गर्ने बताए । उनले भने,‘मेरो घरमा सोलार जोडेर उज्यालो पार्छु भनेको होइन, देशभर लोडसेडिङ हटाउँछौ्र भनेको हो ।’ यी सबै उपलव्धिबाटको महत्वकांक्षामा केही साथीहरु ‘प्रसन्न चित्त बसेजस्तो पनि देख्दिन’ भन्दै उनले कटाक्ष गरे ।