काठमाडौं, २७ माघ — उनीहरू लामो समयसम्म काम गर्छन्, तलब पाउँदैनन् र उनीहरूले रोज्जाको काम पाउँदैनन् ।
दासको जस्तो अवस्थामा बस्न बाध्य उनीहरू आफ्नो परिस्थितिबाट कहिल्यै भाग्न पाउँदैनन् ।
तर धेरै उत्तर कोरियालीहरूको यही नै यथार्थ हो । उनीहरू अमानवीय तथा चिन्ताजनक स्थितिमा काम गर्न बाध्य छन् ।
उनीहरू राष्ट्रति किम जोङ–उनका दास हुन् । दुःखको कुरा त उनीहरू नाबालक हुन् ।
अन्तर्राष्ट्रिय मानवअधिकारवादी संस्था ह्युमन राइट्स वाचले उत्तर कोरियाका बालबालिका विशेषगरी गरीबहरूले कष्टदायी काम गर्नुपरेको र भाग्न नपाएको उल्लेख गरेको छ ।
उत्तर कोरियाबाट भागेका दुई नाबालकहरूको दुःखी कथा सुनेर अनि अन्य धेरै स्रोतको अनुसन्धान र विश्लेषण गरेर उक्त संस्थाले त्यहाँ बालबालिकालाई जबर्जस्ती काममा दलाउने गरिएको र उनीहरूमाथि विभेद गर्ने गरिएको निष्कर्ष निकालेको छ ।
एकजा नाबालिकालाई उनको परिवार गरीब भएकाले स्कूल पठाउन नसकेपछि जबर्जस्ती श्रममा लगाइएको पाइयो । अर्कीलाई चाहिँ परिवारले पाल्न नसकेपछि अर्काको घरमा तलब नदिई काम गर्न पठाइयो ।
यी नाबालिकाहरूले बालबालिकाको अधिकारसम्बन्धी संयुक्त राष्ट्रसंघीय समितिसमक्ष आफ्ना पीडा यही हप्ता सुनाउनेछन् । ह्युमन राइट्स वाचका अनुसार यस्ता अन्य धेरै बालबालिका उत्तर कोरियामा नर्कको जस्तो जीवन बिताइरहेका छन् ।
जबर्जस्ती श्रम र विभेद रोक्नका लागि ह्युमन राइट्स वाचले संयुक्त राष्ट्रसंघलाई उत्तर कोरियामाथि दबाब दिन आग्रह गरेको छ ।
एजेन्सीको सहयोगमा
