काठमाडौं, २८ माघ– अमेरिकी संसदमा आप्रवासी विदेशीको संख्या घटाउनका लागि डिभी चिठ्ठा बन्द गर्ने तयारी गरिएको छ । जसका लागि अमेरिकी संसदमा संशोधन प्रस्ताव दर्ता भएको छ ।
अमेरिकाका दुई प्रभावशाली सिनेटरले संसदमा संशोधन प्रस्ताव दर्ता गरेका छन् । प्रस्ताव अनुसार अमेरिकामा आगामी दश वर्षसम्म कानूनी हिसावमा रहेका आप्रवासीको संख्या घटाएर आधा गर्ने छ ।
यस प्रस्ताव राष्ट्रपति डोनाल्ड ट्रम्पको पार्टीका सिनेटर टम कार्टन तथा डेमोक्रेटिक पार्टीका सेनेटर डेविड पड्र्युले दिएका हुन् । यस प्रस्तावका अनुसार अमेरिकाको अद्यागमन नियमलाई परिवर्तन गर्नका लागि प्रति वर्ष विदेशी मूलका नागरिकको भइरहेको अमेरिका प्रवेशलाई ठूलो मात्रामा कटौती हुनेछ ।
अमेरिकी संसदमा यस प्रस्तावको कानून बनेपछि अमेरिकामा रहेका विदेशी नागरिकको ठूलो झड्का लाग्नेछ । यसमा ठूलो संख्यामा रहेका दक्षिण एसियाली देशका नागरिक प्रभावित हुने छन् । जो ग्रिनकार्ड या पर्मानेन्ट रेसिडेन्सको पर्खाइमा रहेका छन् । यो प्रस्ताव पारित भएका डीभी चिठ्ठा कार्यक्रम प्रभावित हुनेछ । जसको असर नेपालीहरुलाई पनि पर्नेे छ ।
वर्तमान अवस्थामा अमेरिका प्रतिवर्ष १० लाख विदेशी नागरिकलाई प्रवेश दिदै आएको छ । यसलाई घटाएर ५ लाख बनाएसँगै अमेरिकामा रहेकाहरुलाई ग्रिन कार्ड या परर्मानेन्ट रेसिडेन्सी पाउन मुस्किल हुने छ ।
