काठमाडौं, २५ जेठ – नेपाल र भारतबीच नयाँ हवाईमार्ग शुरू गर्नका लागि अर्को हप्ता उच्चस्तरीय वार्ता हुने भएको छ । 

नयाँ हवाईमार्गमा धार्मिक र ऐतिहासिक महत्त्वको जनकपुर पनि छ । 

नागरिक उड्डयन प्राधिकरणका एक अधिकारीले भारतीय वायुसेवा प्राधिकरणको एक प्राविधिक टोली अन्तर्देशीय हवाई क्षेत्रसँग जोडिएको विषयमा कुरा गर्न नेपाल आउने बताए । भारतीय प्रधानमन्त्री नरेन्द्र मोदीले अघिल्लो महिना गरेको नेपाल यात्राका बेलामा यो मुद्दा एजेन्डामा थियो । 

नेपाल र भारतको संयुक्त प्राविधिक टोलीले नयाँ हवाईमार्ग शुरू गर्ने सम्भावनामा पनि चर्चा गर्नेछ । एयर नेभिगेसन सर्भिसेजका सदस्य तथा भारतीय वायुसेना प्राधिकरणको निर्देशक मण्डलका सदस्य अनिल कुमार दत्तले वार्तामा भारतीय टोलीको नेतृत्व गर्नेछन् ।

नेपालले माग राखेको जनकपुर, नेपालगञ्ज र महेन्द्रनगरबाट भारततर्फ हवाईयात्रा रूटका विषयमा चर्चा हुनेछ । 

एजेन्सी