१४ असार २०८३, आइतबार
विराटनगर, २६ जेठ– प्रधानमन्त्री केपी शर्मा ओलीले एक नम्बर प्रदेश सभालाई सम्बोधन गर्न जाने क्रममा सञ्चारकर्मीलाई संसदमा प्रवेश नदिएपछि पत्रकारहरूले संसद् भवन अगाडी धर्ना दिएका छन् ।
प्रधानमन्त्री ओलीको सम्बोधनमा नियमित संसदीय रिपोर्टिङ गर्दै आएका पत्रकारलाई समेत भित्र छिर्न नदिएपछि पत्रकारहरू गेटमै धर्नामा बसेका हुन् । पत्रकार बेदराज पौडेल, महाप्रसाद खतिवडा, अनन्तराज न्यौपानेलगायत एक दर्जन पत्रकार धर्नामा बसेका हुन ।
बढीमा ५ जना पत्रकारलाई मात्र संसद्भित्र प्रवेश दिने भन्दै अन्यलाई समाचार संकलनमा नै रोक लगाएपछि पत्रकारहरू आक्रोशित भएका हुन । प्रधानमन्त्री ओलीले शनिबार प्रदेश नम्बर १ को संसदमा सम्बोधन गर्ने कार्यक्रम रहेको छ ।
उक्त कार्यक्रममा सञ्चारकर्मीलाई प्रवेश नदिएको जनाउँदै सञ्चारकर्मीले विरोध गरेका हुन् । उनीहरूले प्रधानमन्त्रीको समाचार आफूहरूले संकलन गर्न पाउनुपर्ने माग गरेका छन् ।
