१६ असार २०८३, मंगलबार
काठमाडौं – अमेरिकाका राष्ट्रपति डोनल्ड ट्रम्प सन् २०२० मा राष्ट्रपतीय निर्वाचनमा उम्मेदवार बन्न चाहन्छन् ।
बेलायतको सन्डे पत्रिकालाई दिएको अन्तर्वार्तामा ट्रम्पले आफूलाई सबैले चाहने भएकाले अनि डेमोक्रेटिक पार्टीको कुनै पनि उम्मेदवारले आफूलाई हराउन नसक्ने भएकाले चुनाव लड्न चाहेको बताए ।
बेलायती पत्रकार पीयर्स मोर्गनले सोधेको प्रश्नको उत्तर दिँदै ट्रम्पले भने, ‘अँ, म चुनाव लड्छु नै । मलाई सबैले चाहन्छन् जस्तो लाग्छ ।’
उनले भने, ‘मलाई हराउन सक्ने कुनै पनि डेमोक्रेटिक उम्मेदवार छैन । म सबैलाई चिन्छु र मलाई कोही योग्य छ जस्तो लाग्दैन ।’
सन् २०१६ मा राष्ट्रपति बनेका ट्रम्पको कार्यकाल २०२० मा सकिँदैछ ।
एजेन्सी
