१७ असार २०८३, बुधबार
काठमाडौं– भारतका लागि नेपाली राजदूतमा पूर्व प्रमुख निर्वाचन आयुक्त नीलकण्ठ उप्रेती सिफारिस भएका छन् ।
सोमबार बसेको मन्त्रिपरिषद् बैठकले उप्रेतिलाई भारतका लागि र पूर्व राजदूत उदयराज पाण्डेलाई मलेसियाका लागि राजदूत नियूक्त गर्न संसदीय सुनुवाई समितिमा सिफारिस गरिएको परराष्ट्र मन्त्री प्रदीप ज्ञवालीले जानकारी दिए ।
अब सुनुवाई समितिमा उप्रेति र पाण्डेको सुनुवाई हुनेछ ।
छिमेकी मुलुक भारतमा झण्डै ९ महिनादेखि राजदूत नियुक्त हुन सकेको थिएन । तत्कालीन राजदूत दीपकुमार उपाध्यायले राजीनामा दिएपछि नयाँ दिल्लीको दूतावास कर्मचारीको भरमा चल्दै आएको छ ।
