३१ जेठ २०८३, आइतबार
काठमाडौं – अस्ट्रेलियामा आमनिर्वाचअघि भएको उपचुनावमा हारेपछि अस्ट्रेलियाका प्रधानमन्त्री म्याल्कम टर्नबुलको मुश्किल बढेको छ ।
उपचुनावमा उनको पार्टीको हारलाई सत्तामा उनको पकड कमजोर भइरहेको रूपमा हेरिएको छ ।
संवैधानिक नियमअन्तर्गत दोहोरो नागरिकता भएका व्यक्तिको नियुक्ति अवैध भएपछि पाँच सदस्यले सदस्यता गुमाउनुपरेको थियो ।
तीमध्ये चार विपक्षी नेता थिए अनि अर्का एक साना दलका थिए ।
शनिवार भएको उपचुनावलाई टर्नबुल र विपक्षी लेबर नेत बिल शोर्टनका लागि महत्त्वपूर्ण परीक्षणका रूपमा हेरिएको थियो । उदारवादी राष्ट्रिय गठबन्धनले चुनाव जितेर संसदमा सामान्य बहुमतलाई बलियो बनाउने आशा गरेको थियो ।
लेबर पार्टीले आफ्ना चारै सीट कायम राखेको संकेत पाइँदा शोर्टन निश्चित रूपमा यस उपचुनावको विजेता मानिएका छन् ।
टर्नबुलले सन् २०१५ मा अस्ट्रेलियाको नयाँ प्रधानमन्त्रीका रूपमा शपथ लिएका थिए । आठ वर्षमा उनी देशका पाँचौं प्रधानमन्त्री बने ।
सत्तारूढ लिबरल दलमा आन्तरिक विद्रोह भएपछि टोनी एबोटलाई सत्ताच्युत गरेर टर्नबुललाई प्रधानमन्त्री बनाइएको थियो ।
एजेन्सी
