संसदमा आफ्नो अलग पहिचानका कारण चर्चामा रहने गरेका एक भारतीय सांसद फेरि सामाजिक सञ्जालमा चर्चाको पात्र बनेका छन् । 

भारतीय दल टीडीपीका सांसद एन शिवप्रसाद विहीवार जर्मनीका तानाशाह हिटलरको रुप धारण गरेर संसदमा पुगेका हुन् । 

संसदमा आन्ध्र प्रदेशका लागि विशेष राज्यको मान्यताको माग गर्दै प्रदर्शनका साथ टीडीपी सांसद अलग अलग पहिरनमा केन्द्रित हुने गरेका छन् । 

टीडीपी सांसद यस अघि आन्ध प्रेदेशको पारम्परिक साडीमा महिलाको भेषमा आएका थिए । 

त्यस्तै उनी स्कूले विद्यार्थी, नारद मुनी जस्ता कयौं रुपमा देखिएका छन् । उनी तान्त्रिकको रुपमा पनि एक पटक संसदमा पुगेका थिए ।

एन शिवप्रसाद राजनीतिमा आउनुभन्दा पहिला अनियको दुनियामा काम गर्थे । आन्ध्र प्रदेशमा चर्चित अभिनेतामध्ये उनी पनि पर्थे । कालो धनको विरोध गर्दै उनी संसदमा आधा सेतो र आधा कालो सर्ट लगाएर संसदमा पुगेका थिए जसको निकै प्रशंसा पनि भएको थियो ।