२५ जेठ २०८३, सोमबार
काठमाडौं– संयुक्त राष्ट्रसंघको मानवअधिकार समितिले चीन सरकारले लाखौं उइङ्गुर मुस्लिमलाई अतिवादी भन्दै नियन्त्रणमा राखेको आरोप लगाएको छ ।
एम्नेष्टि ईन्टरनेशनल, तथा ह्युमन राईट्स वाचले राष्ट्रसंघको सम्मेलनमा चीनको सामूहिक कारावासमा उइङ्गुर समुदायलाई राखिएको प्रतिवेदन पेश गरेको बीबीसीले उल्लेख गरेको छ ।
चीनमा मानवअधिकारको अवस्था बारे भएको दुई दिने कार्यक्रममा उइङ्गुर बाहुल्य क्षेत्र नजरबन्द शिविरमा परिणत भएको दाबी गरिएको छ ।
जातिय भेदभाव विरुद्धको संयुक्त राष्ट्रसंघको समितिका सदस्य गे मेक डवेलले उइङ्गुर मुस्लिमको अवस्था प्रति चिन्ता व्यक्त गरे ।
सम्मेलनमा उठेका प्रश्न बारे बेईजिङले कुनै जवाफ दिएको छैन । चीनको सिन्निजयाङमा उइंगुर मुस्लिम अल्पसंख्यक समुदायको जनसंख्या ४५ प्रतिशत छ ।
