३१ जेठ २०८३, आइतबार
काठमाडौं– नेत्रविक्रमम चन्द नेतृत्वको विप्लवले गरेको बन्दको सामान्य प्रभाव परेको भएपनि देशका केही स्थानमा बम विस्फोट र आगजनीका घटना भएका छन् ।
राजधानीको नैकापमा बम फेला गरेको छ । उक्त बम प्रेसर कुकर बम भएको आशंका गरिएको छ र नेपाली सेनाको टोली डिस्फोजका लागि घटनास्थलमा पुग्दै गरेको प्रहरीले जनाएको छ ।
बिहान तरकारी किन्न जाने क्रममा एक स्थानीयले खतरा लेखिएको प्रेसर कुकर भेटेपछि प्रहरीलाई खबर गरेका थिए । त्यसपछि सो बम भएको भन्दै स्थानीयबीच खैलाबैखा मच्चिएको थियो ।
यता पूर्वी नवलपरासीको गैंडाकोटमा आज बहिान दुईवटा ट्रकामा आगजनी भएको छ ।
स्थानीय भृकुटीचोकमा रोकिएका ना २ ख ८४८७ र ना २ ख २५४८ नम्बरका ट्रकमा आगजनी भएको हो । आगजनीबाट ट्रकमा क्षति पुगेकोे छ ।
यसअघि आजै बिहान भक्तपुरका दुई स्थानमा भेटिएको बम सेनाले निष्क्रिय पारेको थियो ।
