काठमाडौं, ८ फागुन — तपाईंले खतरनाक पुल वा विमानस्थलहरू त देख्नुभएको होला तर हामी तपाईंलाई यहाँ सबभन्दा खतरनाक शौचालयका बारेमा जानकारी गराउनेछौं ।
सामान्यतया शौचालयमा सुविस्ताको बन्दोबस्त गरिएको हुन्छ तर यो शौचालयमा डर, त्रास र खतरा मात्र छ ।
यो शौचालय साइबेरियाको अल्ताई पहाडको कारात्युरेक पासमा अवस्थित छ । यहाँ साढे आठ हजार फीटको उँचाइमा शौचालय बनाइएको छ । यो भीरको छेउमा बनाइएको शौचालय हो ।
शौचालय काठले बनेको छ र यहाँ बस्ने मानिसलाई आफू हावामा लट्किरहेको छु कि भन्ने अनुभव हुन्छ । यो शौचालय भएको ठाउँको तापक्रम माइनस ५० डिग्री सेन्टीग्रेट छ ।
यहाँ त्याग गरिएको मलमूत्र सिधै तल उपत्यकामा पुग्छ ।
नजिकै वेदर स्टेसनमा काम गर्ने मजदूरहरूका लागि यो शौचालय बनाइएको हो । त्यसतो जाडोमा वेदर स्टेसनभित्रै शौचालय नबनाएर किन बाहिर भीरमा बनाइयो होला ? शौचालय देख्दा त डरले पाइन्टमै सूसू आउला जस्तो छ ।
एजेन्सीको सहयोगमा
