१२ असार २०८३, शुक्रबार
काठमाडौं– रोजगार अनुमति प्रणाली (ईपीएस) मार्फत सन् २०१९ मा दक्षिण कोरिया जान लिइएको कोरियाली भाषा परीक्षा उत्तीर्ण गरेकाहरूको स्वास्थ्य परीक्षण आजबाट हुँदैछ ।
प्रत्येक दिन एक हजारको दरले स्वास्थ्य परीक्षण गर्ने तयारी भएको छ । स्वास्थ्य परिक्षण काठमाडौं उपत्यकाका चारवटा अस्पतालबाट गर्ने व्यवस्था गरिएको ईपीएस कोरिया शाखाले जनाएको छ ।
स्वास्थ्य परीक्षणको पूर्ण प्रतिवेदन आउन चार दिन लाग्ने छ । पाटन अस्पताल, शुक्रराज ट्रपिकल अस्पताल, निजामती अस्पताल र नेपाल कोरिया मैत्री अस्पतालमा स्वास्थ्य परीक्षण गर्ने व्यवस्था मिलाइएको छ ।
स्वास्थ्य परीक्षणमा ‘फिट’ भएका र प्रहरी प्रतिवेदन आएकाले भदौ ८ गतेबाट रोजगार आवेदन फाराम भर्न पाउने छन् ।
