कठमाडौंँ–राष्ट्रपति विद्यादेवी भण्डारीले भदौ २४ गतेदेखि लागू हुने गरी नेपाली सेनाको प्रधान सेनापति पदमा रथी पूर्णचन्द्र थापालाई नियुक्त गर्नुभएको छ । रथि थापाले नेपाली सेनाको कायम मुकायम प्रधान सेनापतिको कार्यभार सम्हाल्दै आउनुभएको छ । 

राष्ट्रपति भण्डारी नेपाली सेनाको परमाधिपतिसमेत हुनुहुन्छ । उहाँले नेपालको संविधानको धारा २६७ को उपधारा (५) को अनुसार मन्त्रिपरिषद्को सिफारिसमा थापालाई प्रधानसेनापतिमा नियुक्ति गर्नुभएको जानकारी राष्ट्रपति कार्यालयले दिएको छ । लमजुङ्ग जिल्लाको गाउँशहर–८ मा २०१७ भदौ २५ गते जन्मनुभएका थापा २०३६ सालमा नेपाली सेनामा सहायक सेनानी पदमा प्रवेश गर्नुभएको थियो । गाेरखापत्र दैनिकमा खबर छापिएकाे छ ।