काठमाडौं –बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेकको) चौथो शिखर सम्मेलनमा सहभागी हुन थाइल्यान्डका प्रधानमन्त्री प्रयुत चानओचा काठमाडौं आइपुगेका छन् ।

उनलाई उपप्रधान एवं रक्षामन्त्री ईश्वर पोखरेलले त्रिभुवन अन्तर्राष्ट्रिय विमानस्थलमा स्वागत गरे ।

यससँगै सम्मेलनमा सहभागी हुने अतिविशिष्ट पहुना नेपाल आउने क्रम सम्पन्न भएको छ । चानओचाभन्दा अघि बंगलादेशकी प्रधानमन्त्री शेख हसिना र भारतीय प्रधानमन्त्री नरेन्द्र मोदी बिहीवार बिहान नै नेपाल आइपुगेका छन् ।

श्रीलंकाका राष्ट्रपति मैत्रीपाला सिरिसेना र भुटानको अन्तरिम सरकारका सल्लाहकार छिरिङ वाङचुक बुधवार तथा म्यानमारका राष्ट्रपति विन मिन्ट मंगलबार दिउँसो काठमाडौं आइसकेका छन् ।

सम्मेलन आजै दिउँसो शुरू हुँदैछ । 

हेर्नुहोस्, केही तस्वीर :