१७ असार २०८३, बुधबार
काठमाडौं– रेडियो नेपालका प्रथम गायक तथा वरिष्ठ नाट्यकर्मी हरिप्रसाद रिमालको निधन भएको छ ।
९३ वर्षको उमेरमा उनको बिहिबार बिहान बानेश्वर स्थित आफ्नै निवासमा निधन भएको हो ।
रिमालको पार्थिव शरीरलाई बिहान १० बजेसम्म उनकै निवास बानेश्वरमा राखिने र त्यसपछि पशुपति आर्यघाटमा लगेर अन्तिम संस्कार गरिने कार्यक्रम रहेको पारिवारिक स्रोतले जनाएको छ ।
रिमालले ४ दशक बढि रेडियो नेपालमा काम गरेका थिए । यस्तै उनले ५० भन्दा बढि नाटकमा अभिनय गर्नुका साथै ६ सय बढी नाटक निर्देशन समेत गरेका छन् । १९८२ असोजमा काठमाडौं लगनटोलमा उनको जन्म भएको थियो ।
