२४ जेठ २०८३, आइतबार
काठमाडौं — भारतको नवी मुम्बईमा रहेको एक अदालतको च्याम्बरमा एक सर्पले न्यायाधीशलाई नै डसेपछि हंगामा मच्चिएको छ । तर न्यायाधीशलाई टोक्ने साँप विषालु थिएन ।
घटनापछि अदालत अस्तव्यस्त भयो । हतारहतार न्यायाधीशलाई अस्पतालमा भर्ना गरियो र सर्पलाई समातेर अर्को ठाउँमा छोडियो ।
मंंगलवार बिहान पनवेल अदालतमा जुडिसियल फर्स्ट क्लासलाई एक सर्पले टोक्यो । न्यायाधीश त्यतिखेर च्याम्बरमा थिए ।
पनवेल बार एसोरिएसनका अध्यक्ष अधिवक्ता मनोज भुजबलले भने, ‘बिहान साढे ११ बजे विषरहित सर्पले जेएमएफसी सीपी काशिदको दाहिने हातमा डस्यो । उनलाई पनवेलको सब डिभिजनल अस्पतालमा उपचार गर्न लगियो र पछि
पनवेलको गान्धी अस्पताल पठाइयो । साँझ उनलाई अस्पतालबाट छुट्टी दिइयो ।’
घटना भएपछि सर्प समात्ने मानिसलाई अदालतको च्याम्बरमा बोलाइयो । उसले सर्प समातेर जंगलमा छोडे ।
अदालतको भवन निकै पुरानो छ र पछिल्तिरको भाग खुलै छ । त्यसैले त्यहाँ सर्पहरू आइरहेका हुन्छन् ।
एजेन्सी
