०४ असार २०८३, बिहीबार
काठमाडौं — जर्मनीको पूर्वी शहर केमनिट्जमा सोमवार राति रंगभेद तथा जातिभेदविरोधी सांगीतिक समारोहमा हजारौं मानिसले भाग लिए ।
अगस्टको अन्त्यतिर ३५ वर्षीय एक व्यक्तिलाई चक्कु प्रहार गरी हत्या गरिएको थियो । त्यसमा दुईजना प्रवासी संलग्न रहेको आरोप छ । त्यसपछि शहरमा दक्षिणपन्थीहरूले –याली निकालेका थिए ।
सोमवारको समारोहमा पंक र हिपहप ब्यान्डले कार्यक्रम प्रस्तुत गरे । समारोहमा उपस्थित धेरै मानिसले नाजीहरूलाई भगाऊ जस्ता नारा लगाएका थिए ।
कार्यक्रममा भाग लिन इच्छुक सबै मानिसलाई ठाउँ पुगोस् भनी आयोजकहरूले कन्सर्टको भेन्यु परिवर्तन गरे । कन्सर्टको शुरूआत चक्कु आक्रमणबाट मारिएका पििडतका लागि एक मिनेटको मौनधारणबाट गरिएको थियो ।
त्यतिखेर स्थानीय प्रहरीले शनिवारको प्रदर्शनका बेलामा एक पत्रकारमाथि आक्रमण गर्ने घटनामा संलग्न एक व्यक्तिलाई पक्राउ गरिएको जानकारी दियो ।
त्यसअघि सोमवार एक प्रवासीलाई पूर्वजर्मन प्रेमिकाको हत्याको मुद्दामा आठ वर्षभन्दा बढीको सजाय सुनाइयो । सजाय पाउने व्यक्ति अफगान मूलको भएको मानिएको छ । घटनापछि देशभरि रोष फैलिएको थियो ।
एजेन्सी
