११ साउन २०८३, सोमबार
काठमाडौं– अटो मोबाइल क्षेत्रको महाकूम्भ मानिने ‘नाडा अटो शो २०१८’ भृकुटीमण्डपमा शुरु भएको छ । नेपाल अटो मोबाइल डिलर्स एशोशिएसन (नाडा) र ग्लोबल एक्सपोजिसन एण्ड म्यानेजमेन्ट सर्भिसेजको संयुक्त आयोजनामा नाडा अटो शोको १३ औं संस्करण (२०१८) शुरु भएको हो ।
भदौ ३१ गतेसम्म चल्ने मेलामा १९ वटा ब्राण्डका ४ पाङग्रे तथा २० वटा ब्राण्डका २ पाङग्रे सवारीसाधनहरू प्रदर्शनीमा राखिएका छन् । ७१ कम्पनीहरूको सहभागिता रहेको अटो शोमा १ सय ३४ वटा स्टल रहेका छन् ।
४० लाखको मोटरसाइकल
हार्ले डेभिडसन ४० लाख पर्ने हार्ले डेभिडसन मोटरसाइकल एक अमेरिकन मोटरसाइकल कम्पनी हो । निकै चर्चित यो कम्पनीका मोटरसाइकल पनि अटो शो मा राखिएको छ ।
२५ लाख देखि डेढ करोडसम्म गाडी
अटो मेलामा डेढ लाख पर्ने स्कुटरदेखि दिएर डेढ करोड पर्ने चारपांग्रे सवारी साधन रहेका छन् । अटो मेलामा प्रर्दशनमा रहेका सवारीमध्ये सबैभन्दा सस्तो डेढ लाखसम्मको स्कुटर रहेको छ भने ४० लाख सम्म पर्ने मोटरसाइकल रहेको छ । यस्तै चारपाङ्ग्रे सवारी न्युनतम २५ लाख पर्ने देखि डेढ करोसम्मका प्रदर्शनीमा राखिएको छ ।
अफरै अफर
मेलामा दुई पांग्रे, तीन पांग्रे्र र चार पांग्रे सवारी साधन, मोबिल र टायर लगायत स्पेयर पाट्स् पनि राखिएका छन् ।
१३ औं नाडा संस्करणमा गाडी बिक्रीकर्ताले नयाँ गाडी लञ्च गर्नुका साथै नयाँ र आकर्षक अफर पनि सार्वजनिक गरेका छन् ।
नजिकिँदो दशैं तिहारलाई ध्यानमा राख्दै नाडा अटो शोबाटै सवारी साधन विक्रेताले खरिदकर्ताको लागि विभिन्न अफर तथा उपहार सार्वजनिक गरेका छन् ।
टाटामा भारी छुट
यस्तै नेपालको एक चर्चित अटो मोबाइल कम्पनी सिप्रदी ट्रेडिङ अन्तर्गतको टाटा ब्राण्डका सवारी साधनमा अटो मेलामै भारी छुट घोषणा गरिएको छ । कम्पनीले इलेक्ट्रोनिक भेइिकलमा अटो मेलामै टाटा टिगोर प्रदर्शनीमा राखेको छ ।
यस्तै, टाटाले दशैं तिहारलाई लक्षित गरी क्यास डिस्काउण्ट (छुट) अफर पनि अटो मेलामै घोषणा गरेको छ । अफरमा ४ लाख भन्दा माथिको क्यास डिस्काउण्ड र ५ लाखसम्मको हिराको सिक्री ‘डाइमण्ड नेकलेस’ रहेको कम्पनीले जनाएको छ ।
अटो मेलामै बुकिङ गर्ने ग्राहकका लागि कम्पनीले टुरको अफर पनि सार्वजनिक गरेको छ । मेलामा बुकिङ गरेका सबैलाई लाङटाङ लगेर चाबी हस्तान्तरण गर्ने विशेष अफर रहेको सिप्रदीले जनाएको छ ।
महिन्द्राको इ–भेरिटो
नेपालका लागि आदिकारिक बिक्रेता अग्नि गु्रपले चर्चित ब्राण्ड महिन्द्राका लागि पनि यो पालीको अटो मेलामा इलेक्ट्रोनिक भेइकललाई प्राथमिकता दिएको छ । कम्पनीले अटो मेलामा इ भेरिटो नामक बिद्युतीय सवारी सार्वजनिक गर्दै यो वर्षको चारडपर्व उद्घाटन गरेको हो । सो गाडीलाई १ घण्टा २५ मिनेट चार्ज गर्दा १ सय ४० किलोमिटर गुड्ने कम्पनीले जनाएको छ ।
कम्पनीले ग्राहकहरुको बिशेष सुविधाका लागि फाइनान्सियल सुविधाका लागि विशेष सहकार्य समेत शुरु गरेको छ । अटो लोनका लागि सहकार्य गरेको (क) बर्गको बैंक नेपाल इन्भेष्टमेन्ट बैंकसँग साढे १० प्रतिशतको ब्याजदरमा आफ्ना गाडी उपलब्ध गराउने कम्पनीले घोषणा गरेको छ ।
महिन्द्रसँग यो वर्ष २८ लाख ८० हजार देखि ९० लाख सम्मका गाडीहरु रहेका छन् ।
जापानी कम्पनी सुजुकीको नेपालका लागि आधिकारिक विक्रेता सिजी मोटो कर्पले नाडा अटो शोमा नयाँ गाडी सार्वजनिक गर्दै सम्पूर्ण गाडीमा अफर उपलब्ध गराउने घोषणा गरेको छ । नाडा अटो शोकोे लागि यस योजनाअन्तर्गत कम्पनीले थप आकर्षक छुट पनि उपलब्ध गराउने छ ।
सुजुकीको अफर अन्तर्गत उपभोक्ताले दु्ई लाख रुपैयाँसम्म नगद छुट, एक लाख रुपैयाँसम्म एक्सचेन्ज बोनस तथा स्क्रयाच कुपनमार्फत एक लाख रुपौयाँसम्म अतिरिक्त छुट पाउनेछन् ।
यस्तै नेपालमा डाट्सन गाडीको आधिकारिक बिक्रेता पायोनियर मोटो कर्प प्रालिले चाडवाडलाई लक्षित गर्दै ‘फेस्टिव हटडिल’ योजना सार्वजनिक गरेको छ । चाडपर्व र नाडा अटो शोलाई लक्षित गरी उक्त योजना ल्याइएको हो । यस योजनाअन्तर्गत ग्राहकले डाट्सन गाडीको खरिदमा विशेष छुट लगायत अन्य थुप्रै सुविधा प्राप्त गर्न सक्नेछन् ।
ग्राहकले एक लाख ६ हजारसम्मको निःशुल्क एक्सोसरिज, दुई लाखसम्मको नगद छुट समेत गरी कूल तीन लाख ६६ हजार आठ सयसम्मको लाभ लिन सक्ने कम्पनीले जानकारी गराएको छ । यसका साथै नाडा अटो शोको अवसरमा बुकिङ गर्ने ग्राहकले २७ हजार बराबरको स्मार्ट फोन पनि प्राप्त गर्नेछन् । साथै गाडीको खरिदमाग्राहकले निःशुल्क एक्सोसरिज पाउनुको साथै एक वर्षको निःशुल्क इन्स्योरेन्स, तीन वर्षसम्मको वारेन्टी, ती वर्षसम्म निःशुल्क सर्भिसिङ एक वर्षको लागि सडक करको सुबिधा समेत छुटको व्यवस्था गरेको छ ।
त्यस्तै स्याङयोङले भारी छुटका साथ ‘स्याङयोङ अन्बिटेबल अफर’ ल्याएको छ । कम्पनीले छुट अफरसहित स्याङयोङका गाडी स्टल नम्बर ‘ए–६’ मा उपलब्ध हुने जनाएको छ । स्याङयोङगाडीको नेपालका लागि आधिकारिक वितरक तथा आइएमएस गु्रप अन्तर्गतको आईएमएस मोटर्सले रेक्सटन, कोरान्डो, टिभोली, एक्स एलभी र एकट्योन स्पोर्ट गरि जम्मा पाँच प्रकारका कोरियन लक्जरी एस युभी मोडलका गाडी प्रदर्शनमा राखेको छ ।
मेलामा गाडीको बजार प्रवद्र्धन मात्र नभई अध्ययन, अनुसन्धान र जनचेतनाका कार्यक्रमसँगै व्यवसायिक रुपमा वर्षभरीका लागि ब्राण्डिङको उक सुनौलो अवसर पनि भएको नाडा अध्यक्ष शम्भु दाहालले बताए ।
दाहालले सरकारले सवारी करमा केही छुट दिन सके मध्यम बर्गीय नेपालीहरुको पहुँचमा चार पांग्रे सवारी पुर्याउन सकिने भन्दै अर्थमन्त्रीसँग पटक पटक आग्रह गरिरहेको बताए ।
