विराटनगर –कृषि सामाग्री कम्पनी लिमिटेडको विराटनगरस्थित खाद्य गोदाममा ट्रक किचेर सहचालकको मृत्यु भएको छ ।

बाहिरबाट ल्याएको सामान अनलोड गर्ने क्रममा ना ५ ख ५८८८ नम्बरको ट्रकले आफ्नै सहचाललाई किचेको प्रहरीले जनाएको छ ।

करीब २२ वर्षीय मृतकको शनाखत हुन बाँकी रहेको जिल्ला प्रहरी कार्यालय मोरङले जनाएको छ ।

कृषि सामाग्री संस्थानको खाद्य गोदाममा भएको घटनाको समयमा कार्यालय प्रमुख समेत कार्यालयमा नभएको पाइएको छ ।

प्रहरीले ट्रकका चालक काभ्रेको ज्याम्दी गाउँपालिका ३६ वर्षीय विनोद साहीलाई नियन्त्रणमा लिएको छ । घटनाबारे थप अनुसन्धान भइरहेको जिल्ला प्रहरी कार्यालय मोरङले जनाएको छ ।