०५ साउन २०८३, मंगलबार
कठमाडौं –आईसीसी विश्वकप टी–ट्वान्टी उपक्षेत्रीय छनोटअन्तर्गत आफ्नो तेस्रो खेलमा नेपालले थाइल्याण्डसामु १७३ रनको चुनौती पेश गरेको छ ।
मलेसियामा टस हारेर ब्याटिङको निम्तो पाएको नेपालले निर्धारित २० ओभरमा ७ विकेट गुमाएर १७२ रन जोड्यो ।
आक्रामक शुरूवात गरेर बीचमा लरखराएको नेपाली पारीलाई करण केसीले आक्रामक ढंगले अन्त्य गर्दै सम्मानजनक स्कोरसम्म पुर्याएका हुन् ।
१४ बल खेलेका केसीले ४ छक्का र २ चौकाको मद्दतमा ४० रन जोडे ।
उनका अलावा सरद भेसवाकरले ३४, दीपेन्द्रसिंह ऐरीले ३०, अनिल साहले २५ तथा विनोद भण्डारीले १५ रन जोडे ।
बाँकी ब्याट्सम्यानले दोहोरो अंकमा रन जोड्न सकेनन् ।
