काठमाडौं– प्रमुख सत्तारुढ दल नेकपाले दशैं, तिहार तथा छठ पर्वको अवसरमा आगामी कात्तिक १० गते चियापान कार्यक्रम आयोजना गर्ने भएको छ ।

दुई ठूला कम्युनिस्ट पार्टी नेकपा एमाले र नेकपा माओवादी केन्द्रबीच एकता भएर नेकपा गठन भएपछि पहिलो पटक चियापान कार्यक्रम हुन लागेको हो । अघिल्ला वर्षहरूमा एमाले र माओवादीले छुट्टाछुट्टै कार्यक्रम गर्ने गरेका थिए ।

पार्टीका केन्द्रीय सदस्य विष्णु रिजालले फेसबुकमार्फत् यस्तो जानकारी दिएका हुन् ।

'नेकपाले यस वर्षको चियापान २०७५ कात्तिक १० गते शनिवार भृकुटीमण्डपमा गर्ने भएको छ,' रिजालले फेसबुकमा लेखेका छन् ।

नेपालीहरूको ठूला चाडपर्वको अवसर पारेर प्रमुख दलहरूले बर्सेनि चियापान कार्यक्रम गर्ने गरेका छन् ।