काठमाडौं, १७ फागुन — राम गोपाल वर्मा बहुप्रतीक्षित फिल्म सरकार ३ को पोस्टर सार्वजनिक भएको छ । फिल्मको ट्यागलाइन एन्ग्रियर द्यान एभर (पहिलाभन्दा धेरै रिसाहा) राखिएको छ ।
यो ट्यागलाइन उपयुक्त नै देखिन्छ किनकि पोस्टरमा सबै प्रमुख कलाकारहरू अमिताभ बच्चन, यामी गौतम, ज्याकी श्राफ, मनोज वाजपेयीको अनुहार रिसाएको देखिन्छ ।
राम गोपाल वर्माको सरकार फ्यान्चाइजको तेस्रो शृंखला आउन लागेको हो । हलिउड फिल्म गडफादरबाट प्रभावित यो फिल्म सिरिजमा अभिताभ बच्चनको लीड भूमिका छ । मनोज वाजपेयी पनि इन्टेन्स रोलमा देखिनेछन् भने नन ग्ल्यामरस रूपमा अनु करकरेको भूमिकामा यामी गौतम देखिनेछिन् ।
एजेन्सीको सहयोगमा
