मेलबर्न, ३० मंसिर– भारतले नोटबन्दीको निर्णय गरेको केही समयपछि अष्ट्रेलियाले पनि सयको नोट बन्द गर्ने योजना बनाएका छन् ।
कालोधनलाई रोक्नको लागि अष्ट्रेलियाले सयको नोट बन्द गर्न लागेको हो । अष्ट्रेलियाका राजश्व तथा वित्तीय मन्त्री केलीओ ड्वायरले सय डलरको निश्चित सीमाभन्दा अधिक क्यास पेमेन्टमा निगरानी गर्ने बताइएको छ ।
सरकारको यस कदमबाट अरबौं डलरको कर चोरीलाई रोक्ने आशा गरिएको छ । सरकारको यस कदमबाट राजश्व नोक्शानी र राजश्वको नाममा घोटाला गर्ने गिरोह हतोत्साही हुने बताइएको छ ।
मन्त्रीले केलीओले २१ अर्ब डलरको क्यास इकोनोमीलाई रोक्न एक विशेष कार्यदलको गठन गरिएको बताएका छन् । ५ डलरको नोटको तुलनामा १०० डलरको नोट तीनगुणा बढी प्रचलनमा रहेकाभन्दै सय डलरको नोट बन्द गर्ने मन्त्री केलीओले जानकारी दिए ।
कालोधनसँग सम्बन्धीत सबै गतिविधिलाई रोक्न पहल भइरहेको मन्त्रीले बताए । यसअघि भारतमा पाँचसय र हजारको नोट बन्द गरिएको थियो । त्यसको केही लगतै भेनेजुयलाले पनि बढी रकमको नोट हटाउने घोषणा गरेका थिए । दक्षिण अमेरिकाले पनि सयको बाँबिलर नोटको प्रचलन हटाउने घोषणा गरिसकेका छन् । एजेन्सी
