०६ साउन २०८३, बुधबार
काठमाडौं– बुधवार (आज) नेपाल टेलिकमको जीएसएम टेलिफोनको भ्वाइस सेवामा समस्या देखिएको छ ।
बुधवार विहान १०ः१५ बजेदेखि केही समयसम्म एनटीसीको भ्वाइस सेवामा समस्या देखिएको हो । नेपाल टेलिकमले प्राविधिक समस्याका कारण भ्वाइस सेवामा केही अवरोध देखा परेको जनाएको छ ।
बुधवार विहान एनटीसीको नेटवर्क नलाग्ने तथा फोन लागेपनि बीच बीचमा आफैं कट हुने समस्या देखा परेको थियो ।
नेपाल टेलिकमले उक्त समस्याको समाधान भइसकेको जनाएको छ । आगामी दिनमा यस्ता समस्या आउन नदिन सजग रहेको पनि नेपाल टेलिकमले प्रतिवद्धता जनाएको छ ।
