१२ असार २०८३, शुक्रबार
दैलेख– दैलेखको दुल्लु नगरपालिकको मुख्य बजारमा सडक नै अवरुद्ध हुने गरि कौडा खेलिरहेका समूह र प्रहरीबीच झडप भएको छ ।
कौडा खेल्न अवरोध गरेको भन्दै उक्त समूहले प्रहरीमाथि ढुंगा प्रहार गरेको थियो ।
दुल्लु नगरपालिकाको मुख्य बजार कृति खम्बामा सडक अवरुद्ध गरेर कौडा खेलिरहेको सूचना पाएपछि शुक्रवार राति त्यस क्षेत्रमा पुगेको प्रहरी र जुवाडेहरुबीच झडप भएको थियो । झडपमा इलाका प्रहरी कार्यालय दुल्लुका प्रहरी
निरीक्षक बजीरसिंह बिष्ट र सहायक निरीक्षक सुजन खड्का घाइते भएका छन् । उनीहरुको दुल्लु अस्पतालमा उपचार भइरहेको प्रहरीले जनाएको छ ।
झडप भएपछि अवस्थालाई नियन्त्रणमा लिन प्रहरीले चार राउण्ड हवाइ फायर गरेको दैलेका प्रहरी नायव उपरीक्षक ठाकुरप्रसाद पोखरेलले बताए ।
