०६ असार २०८३, शनिबार
काठमाडौं — अमेरिकाको क्यालिफोर्नियामा तीव्र गतिमा दन्किएको डढेलोका कारण त्यहाँ बस्ने अनेकौं सेलेब्रिटीका घरहरू डढेका छन् ।
दक्षिण भागमा वूल्सी डढेलोले मालिबु लगायतका विलासी रिजोर्टहरूलाई पनि ध्वस्त बनाएको छ । त्यहाँ माइली साइरस, रोबिन थिके र काइट्लीन जेन्नर जस्ता सेलेब्रिटी बस्छन् ।
उत्तरी र दक्षिणी क्यालिफोर्नियामा डढेलो अझै दन्किएको छ । जेरार्ड बटलर र लेडी गागा जस्ता सेलेब्रिटीको घर पनि डढेलोको चपेटामा परेको छ ।
किम कार्दाशियानले पनि डढेलोका कारण घरबाट भाग्नुपरेको बताइन् ।
डढेलोका कारण कम्तीमा ३१ जनाको मृत्यु भइसकेको छ भने हजारौं घर ध्वस्त भएका छन् ।
दुई दिनभित्र दुई लाख ५० हजारभन्दा बढी मानिस डढेलो लागेको क्षेत्रबाट भागेका छन् । मालिबु शहरका सबै निवासी नै पलायन हुनुपरेको छ । त्यहाँ हलिउडका ठूलठूला सेलेब्रिटीहरू बस्ने गर्छन् ।
एजेन्सी
