०९ असार २०८३, मंगलबार
काठमाडौं — प्रियंका चोपडा र निक जोनसबीच डिसेम्बरको पहिलो हप्तामा राजस्थानमा विवाह हुन लागेको छ ।
विवाहोत्सव बुधवारबाट शुरू हुँदैछ । प्रियंका र निकको यो खुशियालीको अवसरमा उनीहरूका परिवारहरू भेला हुन थालेका छन् ।
बिहेको कर्मकाण्डमा भाग लिन निकका दाइ जो जोनस आफ्नी प्रेमिका सोफी टर्नरका साथ भारत पुगेका छन् ।
सोमवार साँझा सोफी, जो, प्रियंका र निक घुम्न निस्किए । उनीहरूले यसअघि पनि सँगै धेरैचोटि न्युयोर्क र लस एन्जेलसमा मस्ती गर्ने गरेका थिए ।
सोफी यसअघि प्रियंकाको ब्याचलरेट पार्टीमा पनि थिइन् ।
प्रियंकाको मुम्बईस्थित घर पाहुनाको स्वागतका लागि सजाइएको छ । जोधपुरमा भन्दा अगाडि मुम्बईको घरमा बिहेको कर्मकाण्ड शुरू हुन लागेको हो ।
निक र प्रियंकालाई जोडेर निकयांका भन्ने गरिएको छ । जोधपुरको उम्मेद भवनमा बिहेका लागि विशेष हेलिप्याड बनाइएको छ । त्यो हेलिप्याड प्यालेस ग्राउन्डभित्र छ ।
प्रियंका आफ्नो बिहेमा हेलिकप्टरमार्फत भव्य प्रवेश गर्नेछिन् । अनि बाहिरबाट आउने पाहुनालाई पनि हेलिकप्टरबाट सीधै विवाहस्थलसम्म लगिनेछ ।
एजेन्सी
