चैत २७, २०८०
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
काठमाडौं – बहुप्रतीक्षित राष्ट्रिय गौरवको आयोजना फास्ट स्ट्र्याक निर्माणको जिम्मा पाएको नेपाली सेनाले डीपीआरविनै काम अघि बढाएको प्रति सांसदहरूले प्रश्न उठाएका छन् । प्रतिनिधि सभाअन्तर्गत विकास समितिको शुक्रबार बसेको बैठकमा सांसदहरूले डीपीआर तयार नगरी काम गर्दा भविष्यमा जोखिम निम्तिन सक्ने चिन्ता समेत व्यक्त गरे ।
बैठकमा सांसद गणेश पहाडीले डीपीआर नबनाइकनै सडक निर्माणको काम अघि बढाइएको प्रति आश्चर्य व्यक्त गरे । ‘डीपीआर नबनाइकनै काम अघि बढाइयो,’ उनले भने, ‘डीपीआर अब बनाउने भनिएको छ, त्यसो गर्ने हो भने अहिलेसम्मको काम के हुन्छ ?’
डीपीआर फाइनल नगरी र सडक निर्माणका क्रममा खनिएको माटो व्यवस्थापन नगरी सडक निर्माण गर्दा भोलिका दिनमा विपद् निम्तिन सक्ने उनको चिन्ता छ ।
‘आईएल एन्ड एफएसले बनाएको डीपीआर किन खरिद नगरेको ?’ सांसद पहाडीले प्रश्न गरे, ‘माटो समेत व्यवस्था नगरी निर्माण गर्न लागिएकोमा भोलिका दिनमा अर्को विपद् निम्त्याउँदैन भन्ने के ग्यारेन्टी छ ?’
त्यस्तै सांसद दामोदर भण्डारीले फास्ट ट्र्याक निर्माणको सफलता मुलुकको सामथ्र्यसँग समेत जोडिएको हुनाले समयमै सम्पन्न हुनुपर्ने बताए ।
बैठकमा नेपाली सेनाका इञ्जियनियरिङ विभाग प्रमुख तथा फास्ट ट्र्याक आयोजना प्रमुख योगेन्द्रबहादुर खाँणले फास्ट स्ट्र्याक निर्माणमा चालू आर्थिक वर्षको प्रगति सन्तोषजनक रहेको जानकारी गराए ।
उनका अनुसार चालू आर्थिक वर्षको पहिलो चार महिनामा भौतिक प्रगति शतप्रतिशत र वित्तीय प्रगति ९५ प्रतिशत सम्पन्न भएको छ ।
डीपीआर निर्माण गर्ने जिम्मेवारी दक्षिण कोरियाली कम्पनीलाई दिइएको नेपाली सेनाले जानकारी गराएको छ । सेनाका अनुसार गत असोज १६ गते दक्षिण कोरियाली कम्पनी सुसुङ इञ्जिनियरिङ एन्ड कन्सल्टिङ लिमिटेडसँग सम्झौता भएको छ । गत कार्तिक ४ गतेदेखि शुरू गरिएको डीपीआरको काम आगामी माघ महिनामा सकिने जनाइएको छ ।
फास्ट स्ट्र्याक डीपीआरका लागि १० करोड १२ लाख रुपैयाँ लागत लाग्ने र हालसम्म डीपीआरको काम ५० प्रतिशत सकिएको सेनाले जानकारी दिएको छ ।
यसअघि आईएल एन्ड एफएसले गरेको डीपीआर प्राविधिक रूपमा आंशिक मात्रै प्रयोग हुने, आर्थिक रूपमा मनासिव नदेखिएको र उपयोगिताका आधारमा खरिद गर्न नमिलेको नेपाली सेनाले स्पष्ट पारेको थियो ।
सेनाले फास्ट ट्र्याक निर्माणका क्रममा उठेका समस्याहरू समेत संसदीय समितिलाई जानकारी गराएको छ । संसदीय समितिले विगतमा आएका समस्याहरूबाट पाठ सिक्दै अगाडि बढ्न सेनालाई निर्देशन दिएको छ ।
फास्ट ट्र्याक निर्माणका क्रममा उठेका समस्याबारे सरकारसँग छलफल गर्ने निर्णय समेत शुक्रबार बसेको समितिले गरेको छ । समितिका सभापति कल्याणीकुमारी खड्काले फास्ट ट्र्याक निर्माणका क्रममा उठेका मुआब्जा वितरण, डीपीआर निर्माण लगायतका विषयमा सरकारसँग छलफल गर्ने बताइन् ।
बैठकमा सेनाले आफूले देशभरी निर्माण गरेको सडकबारे पनि जानकारी गराएको थियो । आफूले जिम्मा पाएको १७ सय ३३ दशमलव २ किलोमिटर सडकमध्ये १३ सय १४ किलोमिटर सडक निर्माण सम्पन्न भइसकेको सेनाले जनाएको छ ।
काठमाडौंलाई तराईसँग जोड्ने फास्ट ट्र्याक ७६. २ किमी, कालीगण्डकी करिडोर ८० किमी, कर्णाली करिडोर १४५ किमी र बेनीघाट, आरुघाट, लाकेभञ्ज्याङ सडक ११८ किमी गरी कुल ४१९ दशमलव २ किमी सडक निर्माणाधीन रहेको जानकारी गराए ।
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...