विराटनगर– सशस्त्र गतिविधिमा संलग्न रहेको एक भूमिगत समूहले बिहीवार विराटनगरमा हतियार बुझाएको छ । हतियार बुझाउनेमा भूमिगत अखिल जनतान्त्रिक तराई मुक्ति मोर्चाको विवेक समूह रहेको जिल्ला प्रशासन कार्यालय माेरङले जानकारी दिएको छ ।

विभिन्न सशस्त्र पक्षसँग सरकारले वार्ता गर्न समिति गठन गरी शान्तिपूर्ण वार्ताका लागि आह्वान गर्दै आएको थियो । सोहीअनुसार बिहीवार समितिका संयोजक सोमप्रसाद पाण्डेसमक्ष  जिल्ला प्रशासन कर्यालयमा उक्त समूहले हतियार बुझाएको हो ।

हतियार बुझाउनेमा रामनन्दनकुमार कामत, जयप्रकाश लिचपुरिया, विवेक यादव र विनयकुमार यादव रहेका छन् । उनीहरूले १ अटोमेटिक पेस्तोलसहित २ वटा कटुवा पेस्तोल सरकारलार्इ बुझाएका हुन् ।