२४ जेठ २०८३, आइतबार
काठमाडौं — रनिल विक्रमसिंघेले आइतवार फेरि प्रधानमन्त्री पदको शपथ लिएका छन् ।
राष्ट्रपति मैत्रीपाला सिरिसेनाले उनलाई पदको शपथ खुवाएका हुन् । अक्टोबरमा सिरिसेनाले नै विक्रमसिंघेलाई पदबाट हटाएका थिए ।
विक्रमसिंघेको शपथग्रहणसँगै श्रीलंकामा दुई महिनादेखि चलेको राजनीतिक संकट सकिएको छ । विक्रमसिंघेलाई हटाएर महिन्दा राजपक्षेलाई सिरिसेनाले प्रधानमन्त्री बनाएपछि श्रीलंकामा राजनीतिक संकट आएको थियो ।
विक्रमसिंघेले आइतवार शपथ लिएपछि उनको क्याबिनेटका मन्त्रीहरूले सोमवार शपथ लिने भएका छन् ।
महिन्दा राजपक्षेले शनिवार प्रधानमन्त्री पदबाट राजीनामा दिएपछि आइतवार विक्रमसिंघेले शपथ लिएका हुन् ।
एजेन्सी
