×

NMB BANK
NIC ASIA

काठमाडौंको तिर्खा, मेलम्ची सपना : भाग- ३

मेलम्ची खानेपानी आयोजनामा ‘अनियमितता’ : कमिसन खान सीएमसीलाई ३ अर्ब बढी भुक्तानी

पुस ६, २०७५

NTC
Premier Steels

काठमाडौं– राष्ट्रिय गौरवको बहुप्रतिक्षित मेलम्ची खानेपानी आयोजनाको प्रमुख ठेकेदारलाई ठेक्का सम्झौताभन्दा झन्डै ३ अर्ब बढी रकम भुक्तानी गरिएको भेटिएको छ ।  

Muktinath Bank

मेलम्ची खानेपानी विकास समितिले इटालियन ठेकेदार कम्पनी सीएमसीलाई ठेक्का सम्झौतामा उल्लेख गरिएकोभन्दा २ अर्ब ८१ करोड रुपैयाँ बढी भुक्तानी दिएको भेटिएको हो । 


Advertisment
RMC TANSEN
IME BANK INNEWS
shivam ISLAND

मेलम्ची खानेपानी आयोजनाको सुरुङमार्ग लगायत निर्माण कार्य गर्न मेलम्ची खानेपानी विकास समिति र सीएमसीबीच ३१ असार २०७० मा ठेक्का सम्झौता भएको थियो । मेलम्ची विकास समिति र सीएमसीबीच ७ अर्ब ७२ करोड, ३४ लाख, ७१ हजार ३४२ नेपाली रुपैयाँमा निर्माण सम्पन्न गर्ने ठेक्का सम्झौता भएको थियो । तर, हालसम्म उक्त कम्पनीले १० अर्ब ५३ करोड रुपैयाँभन्दा बढी भुक्तानी लिइसकेको भेटिएको छ । 


Advertisment
Nabil box
Kumari

मेलम्ची विकास समितिले सीएमसीलाई उक्त परिमाणमा रकम भुक्तानी दिएको हो । ‘सीएमसीले ७ अर्ब ७२ करोडमा निर्माण सम्पन्न गर्ने भनेपनि अहिलेसम्म १० अर्ब ५३ करोडभन्दा बढी रकम भुक्तानी लिइसकेको छ,’ मेलम्ची खानेपानी विकास समिति स्रोतले लोकान्तरसँग भन्यो, ‘यो रकम कुन आधारमा भुक्तानी गरिएको हो  हामीलाई थाहा छैन, समितिका अध्यक्ष (खानेपानी मन्त्रालयका सचिव गजेन्द्र कुमार ठाकुर) र आयोजनाका कार्यकारी निर्देशक सूर्यराज कडेलको सहमतिमा निर्णय भएको जानकारी पाएका छौं ।’

Vianet communication

नेपालमा काम गर्नुपर्ने पैसाले इटालीमा ऋण तिर्दै सीएमसी

इटालियन कम्पनी कोअपरेतिभा मुरातोरी एन्ड सिमेन्तिस्ती (सीएमसी) ले नेपालसहित अन्य देशमा पनि केही ठूला आयोजना निर्माणको ठेक्का लिएको छ । तर, केही ठेक्कामा असफलता बेहोरेपछि अहिले उक्त कम्पनी आर्थिक रुपमा टाट पल्टिने अवस्थामा पुगेको देखिन्छ । 

कम्पनीले आफू टाट पल्टिने स्थिति रहेको अवगत गराउँदै इटालीको एक अदालतमा निवेदन समेत दिएको छ । टाट पल्टिने अवस्थामा रहेको सीएमसीले मेलम्ची खानेपानी आयोजनाको रकमबाट बैंकको ऋण तिरको जानकारी समेत लोकान्तरलाई प्राप्त भएको छ । 

मेलम्ची खानेपानी आयोजनामा सीएमसीले २६ किलोमिटरको मुख्य सुरुङसहित बाटोसमेत गरी २७ किलोमिटर सुरुङ खन्ने, मुहानमा मुख्य र सहायक बाँध बनाउने, सुरुङभित्र सटकिट राख्ने, सुरुङभित्र ढलान गर्ने, सुरुङ भित्रको हावा पास गराउनका लागि ३ ठाउँमा भेन्टिलेसन साफ्ट बनाउने, सुरुङको अन्तिम बिन्दु सुन्दरीजलमा भल्भ गेट राख्ने, सुरुङबाट प्रशोधन केन्द्रसम्म पानी पु¥याउनका लागि स्टील र डीआई पाइप राख्ने तथा सुन्दरीजलमा सुरुङभित्रको सफाइका लागि फ्लस आउटको संरचना बनाउने ठेक्का पाएको थियो । यी सबै काम एसियाली विकास बैंक (एडिबी)को ऋण सहयोगमा अगाडि बढेका हुन् । 

मेलम्ची खानेपानी आयोजनामा काम गरेर अवकाश पाएका एक जना अधिकारीका अनुसार सीएमसीलाई भुक्तानी भएकोमध्ये ७२ प्रतिशत रकम इटालीस्थित उसको मुख्य कार्यालयको बैंक खातामा पठाइएको छ । 

‘एडिबीसँगको ऋण सम्झौतामा नै यस्तो प्रावधान थियो सायद, उसले पाउनेमध्ये ७२ प्रतिशत रकम यूरोमै उसको इटालीस्थित कार्यालयको बैंक खातामा पठाउने गरिएको छ,’ मेलम्ची खानेपानी आयोजनाका ती पूर्व कर्मचारीले लोकान्तरसँग भने, ‘उसको केन्द्रीय कार्यालयमा गएको रकम नेपाल फर्केर आएन, बरु उसले अरु ठाउँमा लागेको ऋण तिर्न नेपाली आयोजनाको रकम खर्च गरेको भन्ने कुरा सुन्नमा आएका थिए ।’

बाँकी २८ प्रतिशत रकम नेपाल सरकारले उसलाई नेपालमै भुक्तानी दिने गर्थ्यो । जसबाट मात्रै सीएमसीले यहाँ निर्माण कार्य गर्दै आएको थियो । 

भुक्तानी दिँदा उच्च अधिकारीलाई कमिसन 

मेलम्ची खानेपानी आयोजनाको काम शुरु भएपछि १२ वैशाख २०७२ को भूकम्पले केही समय निर्माण कार्य प्रभावित भयो । प्रमुख ठेकेदार सीएमसीले भूकम्पबाट आफूलाई १ अर्ब बढीको क्षति पुगेको भन्दै सो रकम भुक्तानी माग गरेको थियो । 

तर, खानेपानी मन्त्रालय र आयोजनाले १ अर्ब बढी रकम दिन नसकिने जनायो । त्यसपछि दुवै पक्षबीच सहमति खोज्न विवाद निरुपण समिति गठन भयो । उक्त समितिले सीएमसीलाई ३६ करोड रुपैयाँ क्षतिपूर्ति दिन खानेपानी मन्त्रालय र मेलम्ची खानेपानी आयोजनालाई निर्देशन दियो । समितिले पुस १ गतेभित्र सीएमसीलाई ३६ करोड रुपैयाँ भुक्तानी दिनुपर्ने भनेपनि मन्त्रालयका सचिव गजेन्द्र कुमार ठाकुरले त्यसमा आनाकानी गरिरहे । बरु, सचिव ठाकुरले सीएमसी कम्पनीका प्रतिनिधिलाई भेटेर ‘किन ३६ करोड मात्रै ? क्षतिपूर्ति र भेरिएसनका लागि भनेर बढी रकम माग्नुहोस् । भुक्तानीका लागि मैले निर्णय गराइदिन्छु’ भनेको स्रोतको दावी छ । 

सचिव ठाकुरसँगको भेटवार्तापछि सीएमसीले आयोजनामा भूकम्पले पर्याएको क्षति, विभिन्न अवरोध, मजदूरहरुको ज्याला बढेको र निर्माण सामग्रीको मूल्य बढेको भन्दै १४ अर्ब रुपैयाँ लागत पुग्ने भनेर मलेम्ची खानेपानी विकास समितिलाई पत्र पठायो । 

स्रोतका अनुसार सीएमसीले क्षतिपूर्तिको रकम समेत गरेर ठेक्का सम्झौता हुँदाको रकम बाहेक करिब ६ अर्ब २७ करोड रुपैयाँ थप दिनुपर्ने माग गरेको थियो । सचिव ठाकूर र मेलम्ची खानेपानी आयोजनाका कार्यकारी निर्देशक कँडेलले निश्चित रकम कमिसन पाउने शर्तमा सीएमसीलाई थप रकम भुक्तानी दिने प्रक्रिया पनि अगाडि बढिसकेको थियो । जसअन्तर्गत कात्तिक मसान्तसम्म सीएमसीले १० अर्ब ५३ करोड रुपैयाँ भुक्तानी पनि लिइसकेको थियो । तर, खानेपानी मन्त्री बिना मगरले ‘हस्तक्षेप’ गरेपछि सीएमसीलाई दिन लागिएको थप रकम बीचमै रोकिएको स्रोतको दावी छ । 

‘सचिव ठाकुर र कार्यकारी निर्देशक कँडेलले सीएमसीलाई १४ अर्ब बराबर भुक्तानी नदिए आयोजना नै नबन्ने भनेर मन्त्रीलाई ब्रिफ गर्नुभएको रहेछ,’ मेलम्ची खानेपानी आयोजनाका एक पदाधिकारीले लोकान्तरसँग भने, ‘पछि मन्त्री ज्यूले हामीसँग पनि उक्त विषयमा बुझ्नुभयो, हामीले भने त्यति धेरै रकम दिन आवश्यक नरहेको बतायौं ।’

यसविषयमा बुझ्न लोकान्तरले केही दिन अगाडि नै सचिव ठाकूरसँग कुरा गर्न खोजेको थियो । तर, आयोजनाको विषयमा आफूले कुनै पनि कुरा नभन्ने ठाकूरले बताए । बरु, आयोजनको विषयमा बुझ्न मन्त्रालय र आयोजनका प्रवक्तालाई फोन गर्न भन्दै सचिव ठाकुरले फोन काटिदिए । आयोजनाका कार्यकारी निर्देशक कँडेल भने सम्पर्कमै आउन चाहेनन् । 

   

hAMROPATRO BELOW NEWS
TATA Below
पुस २०, २०८०

मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...

माघ २४, २०८०

काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...

मंसिर १५, २०८०

धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...

पुस १९, २०८०

यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा  कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...

चैत ७, २०८०

पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...

मंसिर २०, २०८०

नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x