०१ असार २०८३, सोमबार
एउटा सडक दुर्घटनाको फोटो पछिल्लो समय सामाजिक सञ्जालमा भाइरल बनेको छ ।
बीएमडब्ल्यू कार दुर्घटना भएको फोटो र भीडियो भाइरल भएको हो । भिडियोमा एक कार रोडको छेउमा राखिएको बारमा ठोकिएर हावामा उडेको देखिएको छ । सुरुङको छतमा कार ठोकिएको छ ।
हावामा उड्ने क्रममा कयौं पटक कार ३६० डिग्री घुमेको छ । यो भिडियोलाई स्लोबाकिया प्रहरीले जारी गरेको छ ।
दुर्घटनामा गाडी चालकलाई भने केही पनि भएको छैन । जाँचका क्रममा उसको शरीरमा रक्सीको मात्रा फेला परेको छैन । यात्राका क्रममा निदाउँदा दुर्घटना भएको प्रहरीले जनाएको छ ।
भिडियो अनुसार कार करिब २० फिट माथि हावामा पुगेको थियो । भिडियोलाई दुई दिनमा २० लाखले हेरेका छन् ।घटना उत्तर पूर्वी स्लोवाकियाको पोपराड नामको स्थानमा रहेको बोरिक सुरुङमा भएको थियो ।
