काठमाडौं, २७ फागुन –  बाग्मती सफाइ अभियानले भोलि (शनिवार) २ सय औं हप्ता नाघ्दैछ । २ सयौ हप्ताको अवसरमा शनिवार पदयात्रा आयोजना गरिएको छ ।

अभियान सुरु गरिएयता प्रत्येक साताको शनिवार बाग्मती सफाई गरिँदै आएको छ । बाग्मतीलाई सफा, स्वच्छ र हराभरा बनाउन पूर्वाधार विकास कार्य पनि तीब्र गतिमा भइरहेको छ । यसअन्तर्गत ढल व्यवस्थापन, नदी नियन्त्रण, करिडर निर्माण, पार्क बनाउने लगायतका कामहरू भइरहेको छ ।

त्यस्तै, बाग्मती क्षेत्रका विभिन्न स्थानमा पार्क बनाउनका लागि पनि पहल भइरहेको छ । जसअन्तर्गत पार्क बनाउनका लागि विभिन्न ४५ संघसंस्थाले इच्छा देखाएकाे छ ।