नयाँदिल्ली– साउदी अरेबियाका युवराज मोहम्मद बिन सलमानलाई भारतीय प्रधानमन्त्री नरेन्द्र मोदीले स्वागत गरेका छन् । दुई दिने भ्रमणका लागि पाकिस्तानबाट सिधै भारत पुगेका उनलाई स्वागत गर्न मोदी विमानस्थल पुगेका थिए । 

पाकिस्तान र भारतबीच तनाव चर्किरहेका बेला सलमानको भारत भ्रमणलाई मह्त्त्वका साथ हेरिएको छ । केही दिनअघि मात्रै भारत प्रशासित जम्मु–कश्मीरमा भएको आतंककारी हमलामा ४६ जना सुरक्षाकर्मीको ज्यान गएको थियो ।

पाकिस्तानमा पनि सलमानलाई भव्य स्वागत गरिएको थियो । सलमानले पाकिस्तानमा २० अर्ब अमेरिकी डलर लगानी गर्न सम्झौता गरेका थिए ।