काठमाडौँ, १ चैत - नेपाली काँग्रेसका केन्द्रीय सदस्य डा रामशरण महतले विपी कोइरालाको मार्गदर्शनलाई अनुशरण गर्दै अगाडि बढ्न कार्यकर्तालाई आग्रह गरेका छन् ।
विपी चिन्तन प्रतिष्ठान रसुवाको अधिवेशनलाई आज राजधानीमा सम्बोधन गर्दै उनले विपीका विचार तल्लो तहका कार्यकर्ताबीच पु¥याउनुपर्नेमा जोड दिए ।
नेता डा महतले देश विकासका लागि दीर्घकालीन नीति बनाइ अगाडि बढ्नुपर्ने उल्लेख गर्दै आफू अर्थमन्त्री हुँदा नै स्याफ्रुवेसी मैलुङ राजमार्गको विकासको कार्य अगाडि बढाएको र अब पासाङ ल्हामु राजमार्गको सुदृढीकरण गर्नुपर्ने बताए ।
अधिवेशनमा प्रतिष्ठानका उपाध्यक्ष पुष्कर पराजुली र सांसद रञ्जित कर्णलगायतले मुलुकको दिगो विकासका लागि विपी कोइरालाको चिन्तनलाई सबैले अनुशरण गर्नुपर्ने आवश्यकता औल्याए । रासस
