सुर्खेत –पूर्वनिर्धारित मितिमै स्वतन्त्र विद्यार्थी युनियन (स्ववियू) चुनाव गर्नुपर्ने माग गर्दै मध्यपश्चिमाञ्चल विश्वविद्यालयमा विद्यार्थीले कालो झण्डा राखेका छन् ।

प्रमुख प्रतिपक्षी दल निकट विद्यार्थी संगठन नेविसंघले क्याम्पस गेटमा कालोझण्डा फहराएको हो ।

नेविसंघले एक विज्ञप्ति जारी गर्दै चैत २५ गते केन्द्रीय क्याम्पस लगायत अन्य १० वटा आंगिक क्याम्पसमा निर्वाचन गराउनुपर्ने माग अघि सारेको छ ।

विश्वविद्यालयले तत्काल निर्वाचनको कार्यतालिका समेत सार्वजनिक गर्नुपर्ने माग विज्ञप्तिमा गरिएको छ । अन्यथा कडा संघर्षमा उत्रिन बाध्य हुने उसको चेतावनी छ ।

यस्ता छन् संघर्षका कार्यक्रम :

२०७५ चैत १७ गते विश्वविद्यालय केन्द्रीय कार्यालयमा एक घण्टा शान्तिपूर्ण धर्ना कार्यक्रम गर्ने ।
चैत १८ गते कालोपट्टी सहित विश्वविद्यालयका प्रत्येक संकायमा कालो झण्डा गाड्ने ।
चैत १९ गते विश्वविद्यालयमा विद्यार्थी, प्राध्यापक र सरोकारवाला पक्षहरुसंघ स्ववियु निर्वाचन सम्बन्धमा अन्तरक्रिया गर्ने ।
चैत २० गते विश्वविद्यालयमा शान्तिपूर्ण सिटि जुलुस प्रर्दशन गर्ने ।
चैत २१ गते विश्वविद्यालयका उपकुलपति र रजिष्टारलाई मतपत्र र मतपेटिका हस्तान्तरण गर्ने ।
चैत २२ गते विश्वविद्यालयको केन्द्रिय कार्यालयमा १ घण्टा प्रवेश निषेध गर्ने ।
चैत २३ गतेदेखि विश्वविद्यालयका पदाधिकारीहरुका सवारी साधन चल्न बन्द गर्ने ।
चैत २४ गतेदेखि विश्वविद्यालयका उपकुलपति र रजिष्टारको कार्यकक्षमा अनिश्चितकालिन तालाबन्दी गर्ने ।