काठमाडौं, ३ चैत — सडकहरूमा ट्राफिक जाम भएर धेरैजनाले समस्या भोग्नुपरेको छ । काठमाडौंमा पनि यो विकराल समस्याका रूपमा उदाएको छ । यहाँ हामी केही यस्ता शहरको चर्चा गर्दैछौं जहाँ भयंकर ट्राफिक जाम हुन्छ र अब त त्यहाँका मानिसलाई त्यसको बानी नै परिसकेको छ ।


बेइजिङ
चीनको राजधानी संसारकै व्यस्ततम शहरमध्ये एक हो । यहाँ पचास लाखभन्दा बढी गाडी एकैचोटि सडकमा दौडिन्छन् अनि ट्राफिक जाम त हुने नै भयो ।

ताइनान
ताइवानको यो शहरको संरचनाले बढ्दो जनसंख्यालाई थाम्न सकेकै छैन । यो अव्यवस्थित शहरमा सजिलै ट्राफिक जाम हुने नै भयो ।

रियो डी जेनेरो
ओलम्पिक आयोजना गरेर चर्चामा आएको ब्राजिलको यो शहरमा एक सर्वेक्षणका अनुसार हरेक व्यक्तिले प्रत्येक दिन ४५ मिनेट ट्राफिक जाम भोग्छ ।

इस्तानबुल
टर्कीको यो शहर ट्राफिक जामका लागि बदनाम छ । वर्ल्ड इकोनोमिक फोरमका अनुसार यहाँ प्रत्येक नागरिकले प्रतिवर्ष ट्राफिक जाममै १७५ घन्टा बिताउँछ ।

बुखारेस्ट
रोमानियाको राजधानी युरोपकै सबभन्दा व्यस्त शहरमा पर्छ र यहाँको ट्राफिक जामले शहरको सुन्दरतालाई नै भंग गरेको छ ।

जकार्ता
इन्डोनेसियाको राधानी जकार्ताको ७० प्रतिशतभन्दा बढी प्रदूषण वाहनहरूको कारण हुन्छ र यहाँ ट्राफिक जामको ठूलै समस्या छ ।

ब्यांकक
थाइल्यान्डको राजधानी संसारकै सुन्दर शहरमध्ये एक हो तर यहाँ पनि ट्राफिक जामका कारण मानिसहरू घन्टौं फँस्नुपर्छ ।

मेक्सिको सिटी
मेक्सिकोको राजधानीमा ट्राफिक जामको समस्याबाट मुक्ति पाउनका लागि नो भेहिकल डे पनि मनाइन्छ तर यसको कुनै असर परेको छैन ।

एजेन्सीको सहयोगबाट