२५ जेठ २०८३, सोमबार
काठमाडौं – सामाजिक सञ्जालमा आजकल एक बालकले नाचेको भिडियो भाइरल बनिरहेको छ ।
भिडियोमा देखिएका बालकको नाम अहमद सैयद रहमान हो । उनी अफगानिस्तानमा बस्छन् ।
अफगानिस्तानमा बारुदी सुरुङ विस्फोट हुँदा अहमद गम्भीर घाइते बनेका थिए । उनको एउटा गोडा नै गुमेको थियो ।
हालै अफगानिस्तानको इन्टरनेसनल रेडक्रस अर्थोपेडिक हस्पिटल सेन्टरमा अहमदलाई कृत्रिम गोडा दिइएको छ । कृत्रिम गोडा पाएपछि अहमद खुशी छन् । अब उनी दौडिन सक्छन् अनि नाच्न सक्छन् । भिडियोमा पनि उनी नाचेरै आफ्नो खुशी व्यक्त गरिरहेका देखिन्छन् ।
यो भिडियो रोया मुसावी नामक ट्विटर प्रयोगकर्ताले आफ्नो अकाउन्टमा शेयर गरेकी हुन् । भिडियोसँग ट्वीट लेखिएको छ, ‘अहमदलाई आईसीआरसीको अर्थोपेडिक सेन्टरबाट कृत्रिम गोडा उपलब्ध भयो । नाचेर उनी आफ्ना भावना व्यक्त गरिरहेका छन् । यसरी अहमदको जिन्दगी बदलियो र उनी खुशी छन् ।’
यो भिडियोले धेरैजनाको मन छोएको छ ।
Ahmad received artificial limb in @ICRC_af Orthopedic center, he shows his emotion with dance after getting limbs. He come from Logar and lost his leg in a landmine. This is how his life changed and made him smile. pic.twitter.com/Sg7jJbUD2V
— Roya Musawi (@roya_musawi) May 6, 2019
एजेन्सी
