काठमाडौं – वैज्ञानिकहरूले चित्र बनाउन र रेखा कोर्न सक्ने रोबोट बनाएका छन् । यसलाई आईडा नाम दिइएको छ । 

रोबोटलाई महिलाको अनुहार दिइएको छ । यसले आफ्नो रोबोटिक हात र आँखाले चित्र बनाउँछ । रोबोटको नाम गणितज्ञ एडा लवलेसको नाममा राखिएको छ । 

आईडाले बनाएका चित्रको प्रदर्शनी अक्सफोर्ड विश्वविद्यालयमा गरिनेछ । अर्को साता बुधवारबाट प्रदर्शनी शुरू हुनेछ । 

यसमा पेन्टिङ, ड्रइङ, मूर्तिकला र भिडियो आर्ट संलग्न गरिनेछ । 

रोबोटले चित्रकला तयार पार्न कृत्रिम प्रज्ञा र एल्गोरिदमको प्रयोग गर्छ । 

रोबोट बनाउने एडन मेलरले पहिलो व्यावसायिक रोबोट कलाकार संसारसामु पेश गरिएको बताए । उसले आफैं कागजमा आकार बनाउँछ अनि रंग भर्छ ।

रोबोटका हातहरू इंग्ल्यान्डका इन्जिनीयरहरूले तयार पारेका हुन् । अनुसन्धानकर्ता लुसी सीलका अनुसार, यसको कलात्मक क्षमतालाई विचार गरेर विशेष प्रोग्रामिङ गरिएको छ । 

एजेन्सी